IKASLEENTZAKO IV. BEKIKASLE EDO LABORAL KUTXA BEKA, 500 €-KOA

Berriz ere Mazoka sektore grafikoko balio berriak ezagutzeko tresna izango da, Laboral Kutxak babesten duen eta diseinuko, ilustrazioko, marrazkigintzako, arteko edo animazioko ikasleei zuzenduta dagoen beka baten bidez

Laugarren urtez jarraian, jasotzen diren eta 2020-2021 edo 2021-2022 ikasturtean diseinuko, ilustrazioko, animazioko, marrazkigintzako edo arteko ikasle izatea ziurtatzen duten eskaeren artean, MAZOKALARI BAT hautatuko da, banakoa edo taldekoa. “bekikasle” Laboral Kutxa BEKAren irabazleak 500 € eramango ditu, ordainsarirako eta obra-ekoizpenerako.

Epaimahaiak zer 40 parte-hartzaile hautatu dituen eta beka nori eman dion 2021eko urriaren 21ean jakinaraziko da. Laboral Kutxa bekaren irabazleari matrikularen frogagiria aurkezteko eskatuko zaio, 2020-2021 ikasturtean ikaslea izan dela edo 2021-2022 ikasturtean hala dela egiaztatzeko. Azoka amaitutakoan, ez zaio eskatuko beka gastatu izanaren ziurtagiririk.

Zer da #Mazokalari2021 izatea?

Komunitate batean sartuko zara, eta proiekzio handiko eta publiko ugariko Marketplace espezializatu baten parte izango zara, aholkularitza profesionala ere eskainiko dizuna. 2021eko azaroaren 26tik, ostirala, abenduaren 26ra, igandea, egongo da zabalik eta dinamizatuta.
Zuen lanetako batzuekin, erakusketa bat antolatuko da Ur Biltegian (ospe handiko erakusgunea), 2021eko abenduaren 3tik, ostirala, 19ra, igandea.
Horrez gain, Mazokako egileen II. katalogoa argitaratuko dugu, eta, bertan, VII. edizioko parte-hartzaileak bilduko ditugu. Gure altxor txikia da!

Pertsona kopurua mugatua izango denez, bizilekuagatik joaterik dutenak 2021eko abenduaren 17tik 19ra Montehermoso Jauregian egingo diren aurkezpen eta jardueretan modu aktiboan parte hartzera gonbidatuko ditugu.

Kartela inprimatu nahi baduzu edo sare sozialetan zabaltzeko hemen deskargatu: