(2016, Argentina). Belén Catalano Gregoroff, 1988, Buenos Aires. Artista plastikoa. Ikusizko Arteetan graduatu zen Buenos Airesen (2010), Arte Zaintzako masterra egin zuen (2013), eta Otsailaren 3ko Unibertsitate Nazionalaren Arte Museoko Hezkuntza Taldearen parte da.

Javier Narducci Torti, 1987, Buenos Aires. Arkitektura ikasi zuen Buenos Airesko Unibertsitate Autonomoan (2012). Marrazketako eta eraikuntzako irakaslea da.

Duela 6 urtetik hona, artisautzan eta formatu didaktikoko liburu ilustratuen edizioan dihardute, eta, argitaletxearen bidez, ilustrazioari eta autoedizioari buruzko jaialdietan eta liburu-azoketan parte hartu dute, Argentinan, Uruguain, Espainian, Belgikan eta Italian. Haur eta gazteentzako literaturaren antzeko beste proiektu batzuetan ere hartu dute parte.

Hainbat teknika erabiliz ilustratzen dute (esaterako, akuarelak, grafitoa, collagea eta brodatua), eta, gero, marrazkiak digitalizatzen dituzte. Edizioak zainduak dira, artisau-eran eginda baitaude: kamishibai antzerkiak; origami, pop-up, akordeoi eta karrusel itxurako liburuak; banderatxoak; horiek guztiak koadernaketa-ariketa desberdinekin konbinatuta (josturak, tolesturak, kolaketa).

Membrilla ibiltaritzako argitaletxe gisa sortu zen. Latinoamerikako hainbat tokitara joan ziren, ahozko tradizioko istorioen bila, gero haiek islatzeko. Haien lanaren bidez, kondairak berreskuratu eta biltzen dituzte, eta ikuspegi garaikidearekin egokitzen. Haientzat oso garrantzitsua da ilustrazioa, baita istorio bakoitza kontatzeko pentsatutako formatua ere.